अमेरिकेत पतीने गोळ्या झाडून केली भारतीय वंशाच्या महिला इंजिनिअरची हत्या !

आंतरराष्ट्रीय,

राष्ट्रीय,

महाराष्ट्र,

राजकीय,

पोलीस,

क्राईम 

खेळ,

नवराष्ट्र मराठी,

www.navrashtramarathinews.in.net

मुख्यसंपादक,

अमेरिका:(जॉर्जीया) जागतिक तंत्रज्ञान क्षेत्रात अत्यंत आदराने नाव घेतले जाणाऱ्या एका कर्तृत्ववान भारतीय महिलेचा अमेरिकेत दुर्दैवी अंत झाल्याची धक्कादायक घटना समोर आली आहे. जॉर्जिया प्रांतात कौटुंबिक वादाचे रूपांतर एका भीषण हत्याकांडात झाले, जिथे पतीने आपल्याच पत्नीवर अंदाधुंद गोळीबार करत तिचा जीव घेतला. मृत महिला गुगल या नामांकित टेक कंपनीमध्ये 'इंजिनिअरिंग लीडर' (ज्येष्ठ अभियंता) म्हणून मोठ्या हुद्द्यावर कार्यरत होती. या भीषण आणि हिंसक घटनेत तिचा तरुण मुलगादेखील गंभीररीत्या जखमी झाला असून, स्थानिक पोलिसांनी तात्काळ पावले उचलत आरोपी पतीला घटनास्थळावरूनच बेड्या ठोकल्या आहेत.

रक्ताचा थरार उडवणारी घटना,

'फॉक्स न्यूज' या अमेरिकन वृत्तवाहिनीने प्रसिद्ध केलेल्या अधिकृत वृत्तानुसार, ही रक्ताचा थरार उडवणारी घटना कोब काउंटी येथील एका उच्चभ्रू वस्तीतील दाम्पत्याच्या घरात घडली. कौटुंबिक कलहातून घरात वाद पेटला आणि त्याचे पर्यवसान थेट गोळीबारात झाले. स्थानिक नियंत्रण कक्षाला या घटनेची माहिती मिळताच पोलिसांचे एक मोठे पथक घटनास्थळी दाखल झाले. पोलीस जेव्हा घटनास्थळी पोहोचले, तेव्हा घराच्या बाहेरील आवारात त्यांचा तरुण मुलगा जेसन वृझिएन हा रक्ताच्या थारोळ्यात गंभीर जखमी अवस्थेत पडलेला पोलिसांना आढळला. त्याला तातडीने उपचारासाठी रुग्णालयात हलवून पोलिसांनी घरात प्रवेश केला, तेव्हा तेथील दृश्य पाहून सर्वांनाच धक्का बसला. घरात ५७ वर्षीय शीतल वृझिएन या रक्ताने माखलेल्या अवस्थेत मृतावस्थेत पडल्या होत्या.

आरोपी पतीला केले अटक,

गुन्ह्याचे गांभीर्य ओळखून तपास पथकाने तात्काळ संपूर्ण परिसराची नाकेबंदी केली. या संपूर्ण हत्येप्रकरणी पोलिसांनी शीतल यांचे पती किर्क वृझिएन याला घटनास्थळावरूनच ताब्यात घेऊन अटक केली. पोलिसांच्या प्राथमिक चौकशीत हा गोळीबार केवळ घरगुती आणि कौटुंबिक वादातून झाल्याचे निष्पन्न झाले आहे. मात्र, या टोकाच्या पाऊलामागचे आणि हत्येचे नेमके मुख्य कारण काय होते, याचा सखोल तपास सध्या अमेरिकन पोलीस करत आहेत. आरोपी किर्क वृझिएन याच्यावर पत्नीची हत्या करणे, मुलाला गंभीर मारहाण करणे अशा स्वरूपाचे दोन गुन्हे आणि गुन्हा करत असताना बेकायदेशीररीत्या बंदूक बाळगल्याप्रकरणी दोन गुन्हे दाखल करण्यात आले आहेत. सध्या त्याची रवानगी कोब काउंटी अ‍ॅडल्ट डिटेंशन सेंटरमध्ये करण्यात आली असून, त्याला कोणताही जामीन न देता कोठडीत ठेवण्यात आले आहे.

शीतल नोकरीसाठी अमेरिकेत झाल्या होत्या स्थायिक,

मृत शीतल वृझिएन या तंत्रज्ञान क्षेत्रात गेल्या दोन दशकांहून अधिक काळ अत्यंत यशस्वीपणे कार्यरत होत्या. गुगल कंपनीत मोठ्या पदावर काम करण्यापूर्वी त्यांनी 'होम डेपो' (Home Depot) या जगप्रसिद्ध रिटेल क्षेत्रातील कंपनीच्या ई-कॉमर्स व्यवसायासाठी मोबाईल आणि डिजिटल ट्रान्सफॉर्मेशनचे यशस्वी नेतृत्व सांभाळले होते. कंपनीच्या गृहसजावट म्हणजेच Home Decor क्षेत्रामधील विस्तारात त्यांचे अत्यंत महत्त्वपूर्ण योगदान होते. शीतल यांचे बालपण इंग्लंड, भारत आणि घाना अशा विविध देशांमध्ये गेले होते, त्यानंतर त्या उच्च शिक्षणासाठी व नोकरीसाठी अमेरिकेत स्थायिक झाल्या होत्या. त्यांनी १९९४ मध्ये 'जॉर्जिया इन्स्टिट्यूट ऑफ टेक्नॉलॉजी' या नामांकित संस्थेतून कॉम्प्युटर सायन्स या विषयात पदवी संपादन केली होती. तंत्रज्ञान आणि स्टेम (STEM) क्षेत्रात स्वतःचे करिअर घडवू इच्छिणाऱ्या अनेक तरुण महिलांसाठी त्या नेहमीच एक उत्तम मार्गदर्शक (Mentor) म्हणून कार्यरत राहिल्या.

आंतरराष्ट्रीय कायद्यानुसार  शिक्षेस पात्र,

एका बाजूला भारतीय वंशाच्या महिला जागतिक स्तरावर आपल्या कर्तृत्वाचा झेंडा रोवत असताना, दुसरीकडे अशा प्रकारे घरगुती हिंसाचारातून त्यांचा बळी जाणे अत्यंत चिंताजनक आणि क्लेशदायक आहे. कौटुंबिक वादातून उद्भवणारा राग किती भयंकर रूप घेऊ शकतो, याचे हे एक विदारक उदाहरण आहे. अशा प्रकरणांमध्ये आंतरराष्ट्रीय कायद्यानुसार आरोपीला कडक शिक्षा मिळायला हवी, जेणेकरून भविष्यात अशा घटनांना आळा बसेल.