साताऱ्यातील फलटणमध्ये आषाढी वारीसाठी जाण्याऱ्या दिंडीतील वारकऱ्यांवर हल्ला,अतिशय निंदनिय घटना,

आंतरराष्ट्रीय,

राष्ट्रीय,

महाराष्ट्र,

राजकीय,

पोलीस,

क्राईम 

खेळ,

नवराष्ट्र मराठी,

www.navrashtramarathinews.in.net

मुख्यसंपादक :

सातारा:(फलटण) आषाढी वारी (Ashadhi Wari 2026) पवित्र आणि मंगलमय वातावरणात सातारा जिल्ह्यातील फलटण (Phaltan) तालुक्यातून एक अत्यंत संतापजनक आणि दुर्दैवी घटना समोर आली आहे. बीड (Beed) जिल्ह्यातील वडवणी (Wadvani) येथून पंढरपूरकडे अत्यंत श्रद्धेने आणि शिस्तीने निघालेल्या वारकरी दिंडीवर फलटण तालुक्यातील वडजळ (Vadjal) गावाजवळ काही समाजकंटकांकडून अचानक हल्ला (Attack on Warkari Dindi) करण्यात आला. या भ्याड हल्ल्यामुळे वारकरी संप्रदायात तीव्र संतापाची लाट उसळली असून सातारा जिल्हा आणि संपूर्ण महाराष्ट्रात या घटनेचा कडाडून निषेध केला जात आहे.

गाड्यांच्या ओव्हरटेकिंग आणि धुळीकणांवरून वाद; समाजकंटकांची गुंडगिरी,

मिळालेल्या माहितीनुसार, वडवणी येथील ही दिंडी विठू माऊलीच्या जयघोषात फलटण–पंढरपूर मार्गावरून पुढे चालली होती. याच दरम्यान, रस्त्यावरून जाणाऱ्या काही स्थानिक तरुणांच्या दुचाकी किंवा वाहनांच्या वेगावरून आणि दिंडीतील वारकऱ्यांच्या अंगावर धूळ उडाल्याच्या कारणावरून किरकोळ वाद झाला. हा वाद शांत करण्याऐवजी संबंधित हुल्लडबाज आणि गुंड प्रवृत्तीच्या तरुणांनी आपल्या आणखी काही साथीदारांना बोलावून घेतले आणि दिंडीत घुसून वृद्ध वारकऱ्यांना आणि दिंडी प्रमुखांना शिवीगाळ करत मारहाण करण्यास सुरुवात केली.

वारकरी जखमी; स्थानिक नागरिकांची धाव,

या अचानक झालेल्या मारहाणीत दिंडीतील काही वारकरी किरकोळ जखमी झाले असून, दिंडीतील साहित्य आणि वाद्यांचेही किरकोळ नुकसान झाल्याची प्राथमिक माहिती आहे. हा प्रकार पाहताच रस्त्यावरील इतर वाटसरूंनी आणि जवळच असलेल्या वडजळ गावातील ग्रामस्थांनी तात्काळ वारकऱ्यांच्या बचावासाठी धाव घेतली.