नवविवाहित जोडप्याला घेऊन जाणारे हेलिकॉप्टर जोर्जीया मध्ये कोसळून अपघात,वधूसमोरच नवरदेवाचा अंत,

आंतरराष्ट्रीय,

राष्ट्रीय,

महाराष्ट्र,

राजकीय,

खेळ,

क्राईम,

नवराष्ट्र मराठी न्यूज,

www.navrashtramarathi.in.net

मुख्यसंपादक :

नवविवाहित जोडप्याला घेऊन जाणारे हेलिकॉप्टर जॉर्जियामध्ये कोसळून झालेल्या अपघातात भारतीय वंशाच्या तरुणासह दोघा जणांचा मृत्यू झाला. अटलांटा येथे राहणारे आणि डेल्टा एअरलाइन्सचे पायलट असलेले २५ वर्षीय डेव्ह फिजी यांना प्राण गमवावे लागले, तर त्यांची वधू जेसनी ही जखमी झाली असून तिच्यावर जवळच्या रुग्णालयात उपचार सुरु आहेत. या अपघातात हेलिकॉप्टरच्या पायलटचाही मृत्यू झाला.

थाटामाटात विवाह, काही मिनिटात शोककळा,

शुक्रवारी डॉसन काउंटीमधील डॉसनविलजवळ झालेल्या पाच आसनी रॉबिन्सन हेलिकॉप्टरच्या अपघातात डेव्ह फिजी यांचा मृत्यू झाला.या जोडप्याने अपघाताच्याच दिवशी काही वेळापूर्वी, डॉसनव्हिलजवळ असलेल्या 'द रिव्हियर' या स्थळी विवाह केला होता. कुटुंबीयांनी दिलेल्या माहितीनुसार, या समारंभाला शेकडो पाहुण्यांनी उपस्थिती लावली होती.

भारतीय वंशाचे दाम्पत्य,

डेव्हचे आई-वडील—जॉर्ज आणि फीबा फिजी—अनेक वर्षांपूर्वी केरळमधील एर्नाकुलम जिल्ह्यातील मुवट्टुपुझा येथून अमेरिकेत स्थलांतरित झाले होते. जेस्नीच्या कुटुंबाची मुळेही केरळशीच जोडलेली असून, त्यांचे मूळ स्थान अलप्पुझा जिल्ह्यात आहे. "तो एक अत्यंत तेजस्वी मुलगा होता; आमच्यासाठी तो ईश्वराचीच एक देणगी होता. अत्यंत देखणा, सुंदर" अशा शब्दात जॉर्ज फिजी यांनी दिवंगत लेकाची आठवण 'अटलांटा न्यूज फर्स्ट'शी बोलताना जागवली.

पायलटचा अट्टाहास जीवावर बेतला,

"तो म्हणाला, 'मी उड्डाण करणार नाही; अशा प्रकारच्या दृश्यमानतेत आम्ही उड्डाण करणार नाही,'" त्याच्या वडिलांनी आठवण करुन दिली. मात्र वैमानिकाने अधिक उंचीवरुन उड्डाण करण्याचा निर्णय घेतल्यानंतर, ते हेलिकॉप्टर रवाना झाले. त्यानंतर, डॉसनविलेच्या नैऋत्येस असलेल्या एका दुर्गम, दाट झाडीने वेढलेल्या आणि डोंगराळ भागात त्या विमानाचा अपघात झाला.