नाशिक टीसीएस प्रकरणात निदा खानचा धर्मांतराचा कट उघड १७१ लिंक्स आणि एमआयएम कनेक्शन समोर !

आंतरराष्ट्रीय,

राष्ट्रीय,

महाराष्ट्र,

राजकीय,

खेळ,

क्राईम,

नवराष्ट्र मराठीन्यूज,

www.navrashtramarathi.in.net

मुख्यसंपादक -

​नाशिक : नाशिक येथील एका सुप्रसिद्ध बहुराष्ट्रीय कंपनी मध्ये काम करणाऱ्या तरुणीवर झालेल्या भयंकर अत्याचार आणि तिच्या धार्मिक भावना दुखावल्याच्या प्रकरणात आता दररोज नवनवीन धक्कादायक खुलासे होत आहेत. या गंभीर गुन्ह्यातील प्रमुख संशयित आरोपी निदा एजाज खान हिची एसआयटी मार्फत कसून चौकशी केली जात आहे. पीडित तरुणीचे पूर्णपणे धर्मांतर घडवून आणण्यासाठी निदाने पद्धतशीरपणे एक मोठे जाळे विणल्याचे आता स्पष्ट झाले आहे.

तब्बल १७१ लिंक्स पाठवल्या,

​पोलिस यंत्रणेच्या सखोल तपासातून अशी अस्वस्थ करणारी माहिती मिळाली आहे की, निदाने पीडितेच्या घरी जाऊन स्वतःच्या धर्मातील विविध विधी पार पाडले. एवढेच नव्हे तर, पीडित तरुणीलाही तिच्या धर्माप्रमाणे प्रार्थना करण्यासाठी आणि तसाच विशिष्ट पोशाख परिधान करण्यासाठी सातत्याने बळजबरी केली गेली. तरुणीचे विचार बदलण्याच्या आणि ब्रेनवॉश करण्याच्या हेतूने निदाने तिला धार्मिक मुद्द्यांवरील तब्बल १७१ लिंक्स पाठवल्या होत्या. यासोबतच तरुणीचे मूळ नाव बदलून हानिया असे ठेवण्याचा अतिशय नियोजनबद्ध कट रचला गेला होता, ज्यामागे खूप मोठी आर्थिक आणि धार्मिक कारणे असल्याचेही उघड होत आहे.

आणखी कोठडीतवाढ होण्याची शक्यता,

​देवळाली कॅम्प पोलिसांत गुन्हा दाखल झाल्यापासून म्हणजेच २६ मार्च पासून निदा सतत फरार होती. अखेर २ मे रोजी नाशिकरोड न्यायालय या ठिकाणी तिचा जामीन अर्ज फेटाळून लावण्यात आला. त्यानंतर ७ मे रोजी छत्रपती संभाजीनगर येथून अत्यंत शिताफीने तिला ताब्यात घेण्यात आले. वैद्यकीय तपासणी पूर्ण करून तिला ट्रान्झिट रिमांडवर शहरात आणले गेले. ८ मे रोजी न्यायालयात हजर केले असता तिला ११ मे पर्यंत कोठडी सुनावण्यात आली होती. आता तपासाची प्रगती आणि व्याप्ती पाहता तिच्या कोठडीत आणखी वाढ होण्याची दाट शक्यता निर्माण झाली आहे.

पोलीस पुढील शोधात आहेत,

​निदा ही लपण्यासाठी ज्या ठिकाणी गेली होती, तो छत्रपती संभाजीनगर मधील फ्लॅट तिच्या मावशीचा नसून एमआयएम पक्षाशी संबंधित संशयित मतीन पटेल याने तिला उपलब्ध करून दिल्याचे तपासात पूर्णपणे निष्पन्न झाले आहे. गरोदर असलेल्या निदासोबत तिचे आई-वडील आणि मावशी तिथे सुरक्षितपणे राहत होते. ती एमआयएम च्या नगरसेवक पदावरील व्यक्तीपर्यंत कशी पोहोचली आणि तिला पडद्यामागून आर्थिक मदत कोणी केली, याचा सविस्तर शोध आता पोलीस घेत आहेत.

इतर काही खुलासे होणार,

​या दरम्यान, एसआयटी आता या प्रकरणाशी थेट जोडलेले इतर संशयित दानिश शेख आणि तौसिफ अत्तार यांनाही लवकरच ताब्यात घेणार आहे. तसेच शाहरुख शेख आणि रझा मेमन हे दोन तरुण देखील मुंबई नाका पोलिसांत दाखल असलेल्या गुन्ह्यात मुख्य संशयित आहेत. या संपूर्ण प्रकरणाशी संबंधित आतापर्यंत तब्बल ९ गुन्हे नोंदवले गेले आहेत. या सर्व आरोपींची एकत्र समोरासमोर बसवून चौकशी केल्यावर आणखी मोठे आणि खळबळजनक खुलासे होण्याची दाट शक्यता वर्तवली जात आहे.

धर्मांतरासारखे अत्यंत संवेदनशील आणि गंभीर गुन्हे समाजात कशी पाळेमुळे घट्ट करत आहेत, हे या घटनेवरून स्पष्ट होते. तपास यंत्रणांनी अशा जाळ्यांचा मुळापासून वेध घेऊन सर्व दोषींवर वेळेत कठोर कायदेशीर कारवाई करणे आता काळाची गरज बनली आहे.