तेलंगणात २१ वर्षीय विद्यार्थ्याने ५५ वर्षीय महिलेला विहिरीत ढकलून दोर कापला, सुदैवाने जीवितहानी टळली,

आंतरराष्ट्रीय,

राष्ट्रीय,

महाराष्ट्र,

राजकीय,

पोलीस,

क्राईम 

खेळ,

नवराष्ट्र मराठी,

www.navrashtramarathinews.in.net

मुख्यसंपादक : 

करीमनगर (तेलंगणा): ऑनलाईन जुगाराचे (Online Gambling) व्यसन तरुणाईला कोणत्या थराला घेऊन जाऊ शकते, याचे एक अत्यंत भयानक उदाहरण तेलंगणाच्या करीमनगर जिल्ह्यात समोर आले आहे. ऑनलाईन जुगारात बुडालेले कर्ज फेडण्यासाठी २१ वर्षांच्या एका पदवीच्या विद्यार्थ्याने एका ५५ वर्षीय महिला मजुराचे अपहरण केले, तिचे दागिने लुटले आणि तिला थेट एका शेतातील विहिरीत ढकलून दिले.

 मृत्यूच्या दारात तब्बल २१ तास,

गंगाधरा लक्ष्मी (वय ५५) असे या धाडसी महिलेचे नाव आहे. आरोपी दम्मा दिनेश रेड्डी (वय २१) याने लक्ष्मी यांना विहिरीत ढकलल्यानंतर, त्यांनी विहिरीतील दोरखंड पकडण्याचा प्रयत्न केला. मात्र, क्रूरतेची सीमा ओलांडत आरोपीने तो दोरखंडही चाकूने कापून टाकला.अशा कठीण परिस्थितीतही लक्ष्मी यांनी हिंमत हारली नाही. विहिरीत असलेल्या पाण्याच्या मोटारच्या पाईपला आणि केबलला त्यांनी घट्ट पकडून ठेवले. तब्बल २१ तास त्या त्याच अवस्थेत मृत्यूशी झुंज देत होत्या. दुसऱ्या दिवशी शेतात आलेल्या स्थानिक शेतकऱ्यांना विहिरीतून आवाज आल्यानंतर हा प्रकार उघडकीस आला. शेतकऱ्यांनी तातडीने दोर सोडून त्यांना सुखरूप बाहेर काढले.

 पोलिसांनी आरोपीला घातल्या बेड्या,

या घटनेची माहिती मिळताच करीमनगर पोलिसांनी वेगाने तपास चक्र फिरवून आरोपी दम्मा दिनेश रेड्डी याला अटक केली आहे. आरोपी हा कॉलेजचा विद्यार्थी असून त्याला ऑनलाईन सट्टा आणि जुगाराचे मोठे व्यसन होते. यात झालेल्या मोठ्या कर्जामुळे त्याने हे पाऊल उचलल्याचे समोर आले आहे. पत्रकार आशिष यांनी शेअर केलेल्या ४ वेगवेगळ्या व्हिडिओंमध्ये या महिलेचे यशस्वी बचावकार्य आणि पोलिसांची कारवाई स्पष्ट दिसत आहे.

 गंभीर सामाजिक इशारा,

ही घटना केवळ एक गुन्हा नाही, तर तरुण पिढीमध्ये वाढणाऱ्या ऑनलाईन जुगाराच्या व्यसनाची आणि त्यातून निर्माण होणाऱ्या गुन्हेगारी प्रवृत्तीची धोक्याची घंटा आहे.