महिलेच्या मृत्यूनंतर नातेवाईकांचा संताप, डॉक्टरचा आत्मदहनाचा प्रयत्न,भोकरदन हादरले: ऑपरेशनमध्ये हलगर्जीपणाचा आरोप;

 आंतरराष्ट्रीय,

राष्ट्रीय,

महाराष्ट्र,

राजकीय,

खेळ,

क्राईम,

नवराष्ट्र मराठीन्यूज,

www.navrashtramarathi.in.net

मुख्यसंपादक -

भोकरदन हादरले: ऑपरेशनमध्ये हलगर्जीपणाचा आरोप; महिलेच्या मृत्यूनंतर नातेवाईकांचा संताप, डॉक्टरचा आत्मदहनाचा प्रयत्न?

​ 

जालना -भोकरदन शहरातील गणराज हॉस्पिटलमध्ये पाठीच्या कण्यावर शस्त्रक्रिया केलेल्या एका २८ वर्षीय महिलेचा मृत्यू झाल्याची धक्कादायक घटना घडली आहे. डॉक्टरांच्या हलगर्जीपणामुळेच हा मृत्यू झाला असल्याचा आरोप करत संतप्त नातेवाईकांनी रुग्णालयाबाहेर तीव्र निदर्शने केली. दरम्यान, तणाव वाढल्यानंतर संबंधित डॉक्टरने स्वतःवर डिझेल ओतून घेतल्याचा प्रकार समोर आल्याने परिसरात मोठी खळबळ उडाली आहे.

​नेमकी घटना काय?

​मिळालेल्या माहितीनुसार, भोकरदन तालुक्यातील वडशेद येथील मनीषा सोनाजी भवर (वय २८) या महिलेला पाठीच्या त्रासामुळे गणराज हॉस्पिटलमध्ये दाखल करण्यात आले होते. २८ व २९ एप्रिल रोजी त्यांच्यावर शस्त्रक्रिया करण्यात आली. त्यानंतर त्यांना डिस्चार्ज देण्यात आला, मात्र घरी गेल्यानंतरही त्यांची प्रकृती सुधारली नाही. प्रकृती खालावल्याने त्यांना पुन्हा गणराज हॉस्पिटल व त्यानंतर दशरथ बाबा हॉस्पिटलमध्ये हलवण्यात आले. तिथेही प्रकृतीत सुधारणा न झाल्याने अखेर छत्रपती संभाजीनगर येथे नेत असताना आज सकाळी वाटेतच त्यांची प्राणज्योत मालवली.

​रुग्णालयात हायव्होल्टेज ड्रामा

​महिलेच्या मृत्यूनंतर संतप्त नातेवाईकांनी मृतदेह थेट गणराज हॉस्पिटलमध्ये आणला. यावेळी नातेवाईक आणि डॉक्टर बडक यांच्यात जोरदार हुज्जत झाली. परिस्थिती हाताबाहेर जात असल्याचे पाहून डॉ. बडक यांनी स्वतःच्या अंगावर डिझेल ओतून घेतल्याचा प्रकार एका व्हिडिओमध्ये कैद झाला आहे. या घटनेमुळे काही काळ रुग्णालय परिसरात भीतीचे वातावरण निर्माण झाले होते.

​नातेवाईकांचे गंभीर आरोप:

​चुकीची शस्त्रक्रिया: डॉक्टरांनी चुकीच्या पद्धतीने ऑपरेशन केल्यानेच मनीषा यांचा मृत्यू झाला, असा थेट आरोप नातेवाईकांनी केला आहे.

​योजनेचा गैरवापर: महात्मा फुले जन आरोग्य योजनेच्या नावाखाली या हॉस्पिटलमध्ये रुग्णांची लूट केली जात असल्याचा दावाही काही नागरिकांनी केला आहे.

​भूलतज्ज्ञाचा प्रश्न: ऑपरेशनच्या वेळी अधिकृत भूलतज्ज्ञ (Anesthetist) उपस्थित होता का? असा सवालही या निमित्ताने उपस्थित केला जात आहे.

​पाच वर्षांची चिमुकली झाली पोरकी

​मृत मनीषा भवर यांची परिस्थिती अत्यंत गरीब असून त्यांना पाच वर्षांची एकुलती एक मुलगी आहे. आईचा सावली हरवल्याने या चिमुकलीवर ओढवलेल्या प्रसंगाने वडशेद गावावर शोककळा पसरली आहे.

सद्यास्थिती,

​या प्रकरणी अद्याप पोलिसांत गुन्हा दाखल झाला नसला तरी, घटनेचे गांभीर्य लक्षात घेता सोशल मीडियावर याचे व्हिडिओ मोठ्या प्रमाणावर व्हायरल होत आहेत. पोलीस प्रशासन आणि आरोग्य विभाग या प्रकरणी काय भूमिका घेते, याकडे सर्वांचे लक्ष लागले आहे.