सर्वसामान्यांना पुन्हा बसणार फटका? पेट्रोल-डिझेल पुन्हा महागणार?

आंतरराष्ट्रीय,

राष्ट्रीय,

महाराष्ट्र,

राजकीय,

खेळ,

क्राईम,

नवराष्ट्र मराठी न्यूज,

www.navrashtramarathi.in.net

मुख्यसंपादक  :

आंतरराष्ट्रीय बाजारात कच्च्या तेलाच्या वाढत्या किमतींमुळे देशात पेट्रोल आणि डिझेलच्या दरात मोठी वाढ होण्याची शक्यता निर्माण झाली आहे. सरकारी तेल कंपन्यांना दररोज सुमारे ₹७५० कोटींचा तोटा होत असल्याची माहिती समोर आली असून, त्यामुळे आगामी काळात इंधन दरवाढ अटळ मानली जात आहे.

इंडियन ऑइल, भारत पेट्रोलियम आणि हिंदुस्तान पेट्रोलियम या सरकारी कंपन्या सध्या इंधन कमी दरात विकत असल्याने त्यांच्यावर आर्थिक ताण वाढला आहे. काही अहवालांनुसार कंपन्यांना प्रति लिटर पेट्रोलवर मोठे नुकसान सहन करावे लागत आहे. त्यामुळे पेट्रोल-डिझेलचे दर ₹१४ पर्यंत वाढू शकतात, असा अंदाज व्यक्त केला जात आहे.

पश्चिम आशियातील तणाव, कच्च्या तेलाच्या वाढत्या किंमती आणि डॉलरच्या तुलनेत रुपयाची घसरण ही दरवाढीमागची प्रमुख कारणे मानली जात आहेत. गेल्या काही वर्षांत आंतरराष्ट्रीय बाजारात तेल महाग झाले असतानाही देशांतर्गत दर तुलनेने स्थिर ठेवण्यात आले होते. आता त्याचा आर्थिक भार तेल कंपन्यांवर पडत असल्याचे सांगितले जात आहे.

दरवाढ झाल्यास वाहतूक खर्च वाढून सर्वसामान्यांच्या खिशाला फटका बसण्याची शक्यता आहे. भाजीपाला, अन्नधान्य आणि दैनंदिन वस्तूंच्या किमतीही वाढू शकतात. मात्र सरकारकडून अद्याप अधिकृत दरवाढ जाहीर करण्यात आलेली नाही.

#petrol #diesel #maharashtra