धक्कादायक! ‘तु लय माजला का?’ म्हणत लोखंडी दातड्याने युवकावर हल्ला; रिसोडमध्ये खळबळ

मुख्यसंपादक - देविदास पाटील -

नवराष्ट्र मराठी न्युज-

 एकदा धक्कादायक मारहाण प्रकरण समोर आले आहे. रिसोड तालुक्यातील हराळ शिवारात शेतातील वादातून एका युवकावर लोखंडी दातड्याने हल्ला करण्यात आला. या घटनेमुळे परिसरात भीतीचे वातावरण निर्माण झाले असून रिसोड पोलिसांनी तात्काळ गुन्हा दाखल करून पोलिस तपास सुरू केला आहे

पोलीस सूत्रांकडून मिळालेल्या माहितीनुसार, सौरभ दिलीप वानखेडे (वय २६, रा. हराळ) हे आपल्या शेतात हळद शिजवण्याचे काम करत होते. त्यांच्याकडे हळद शिजविण्याचे कुकर असून ते नियमित कामात व्यस्त असताना गावातील बाजीराव सारंगधर सरकटे हे तेथे आले.

सुरुवातीला बोलाचाली झाली, मात्र दुपारी पुन्हा आलेल्या आरोपीने “तु मला फिरून बोलतो का? तु लय माजला का?” असे म्हणत संताप व्यक्त केला. या वादातून अचानक परिस्थिती चिघळली आणि आरोपीने हातातील लोखंडी दातड्याने सौरभ यांच्या मांडीवर जोरदार वार केला.

या हल्ल्यात सौरभ वानखेडे गंभीर जखमी झाले. त्यांना तात्काळ रिसोड येथील ग्रामीण रुग्णालयात दाखल करण्यात आले असून त्यांच्यावर उपचार सुरू आहेत.

या मारहाण प्रकरणी रिसोड पोलिसांनी आरोपीविरोधात गुन्हा दाखल केला असून पुढील तपास सुरू आहे. ग्रामीण भागातील गुन्हे वाढत असल्याने नागरिकांमध्ये चिंतेचे वातावरण आहे.

आंतरराष्ट्रीय,

महाराष्ट्र,

क्राईम,

खेळ

पत्रकासंघ,